لِمن يجرؤ فقط ... أرجو أن تجرؤوا كُلَّكُم.......

السلام عليكم ورحمة الله وبركاته....

سمحتُ لنفسي أن أستعير عنوان الموضوع ..من عنوان القصر كله

وأتمنى أن يَطول النقاش وأن يحّتَد وأن يهدأ ويكون نقاشاً مُجّدياً

لا مُجرد أراء... وشكر ... أو أزدراء؟

هل يَصحُ أن أسأل الكُل؟؟؟؟؟؟؟

هل أحببتَ/ هل أحببتِ انساناً عبر هذا الشيء الذي تَعَلّقنا فيه

و يُدّعى الانترنت؟؟؟

هل الاعجاب بما يكتب من مواضيع ومن آراء جذبتك ولو لوهلة؟

وهل تعتقدون بأن الأمر قابلٌ للصد والرد

ومن وراءه نتيجة؟؟ وهل تُمانعون أن يكون المستقبل مُرتبط

بشخصٍ عرفتهُ بالصدفة عبر النت...

ويَدخل في باب الحوار كُلُ العلاقات الأنسانية,, الصداقة.. والمحبة والحوار

هل تؤمنون مثلي.. بأننا لسنا في فراغ؟؟ أنما هُوَ دُنّيا كاملة

نُنّشئ صداقات وحب وربما زواج وأشياء روحانية

آملُ أن يتحول هذا الموضوع الى ما يُشبه المسنجر
باباً كبيراً للحوار...للرأي والأجابة على الرأي.. ودُمتم بألف خير.

وللحديث بقية...........................

في البدايه بدي اشكرك كتير يا نضال على هالموضوع الرائع والجريئ
وهيك موضوع كتير مهم - وخاصة بالزمن يلي نحن فيه
الزمن يلي صارت الدنيا فيه مفتوحه امام عين الانسان سواء ذكر او انثى
قضية الحب عن طريق الانترنت ....
هذه القضيه بالاوانٍ الاخيره انتشرت بشكل هائل وكبير
واصبحت الناس تنشر الأراء - منهم من يقول نعم - ومنهم من يقول لا
وبما ان لكل انسان تفكير معين وعادات وتقاليد محدده
وجب علينا ان نضع الحل الاوسط لهذه القضيه
ومع ذلك لا زالت هناك اراء متعدده
ومن ضمنها وجهة نظري انا - والذي اقتنع فيها -
وجهة نظري انا تقول ....
بما ان الانترنت ومواقع الشات تعتبر بؤره عميقه وكبيره من الكذب والخداع
واصبح التلاعب بالمشاعر امراً سهلاً
اقول انا
ان الحب عن طريق الانترنت له احتمالين -
فاشل و ناجح ....

رح اكمل باللغه العاميه من شان الفكره توصل بسرعه

الاحتمال الاول : يلي هو الحب الفاشل
او فينا نقول عنه حب مؤقت او لمجرد التسليه وملئ الفراغ
او مراهقه ونزوه يعني من هالامور هي
الشب بتعرف عالبنت وبعيشو قصة حب واهمه بضلو بعلاقتهم شهور ويمكن توصل لسنه
وكل هالفتره ما بيجمعهم غير شاشة الكمبيوتر او التلفون فقط
يعني بعمره لا شافها عالطبيعه ولا شافته
فبرأي ان هالعلاقه فاشله والحب يلي فيه مو حب حقيقي
----
ملاحظه :
يمكن بعض الاشخاص تقول مو ضروري يشوفو بعضهم
وانا بقلهم - ان الانسان لو بحب وحده بصدق - من الضروري يلتقو مع بعضهم
لحتى كل واحد فيهم يفهم شخصية التاني اكتر - ويقررو ان كان هناك توافق او تفاهم او لا
لان الكلام المباشر بفرق كتير عن الكلام الحرفي او ما يسمى بالعاميه شات او ماسنجر
وذلك لان اللسان كالرصاصه ان انطلقت صابت
اما الماسنجر الانسان بإمكانه قبل ان يرسل كلامه ان يراجعه مره ومرتين وثلاثه
لذلك يبقى الحوار الحرفي غامض جدا
***************************
اما الاحتمال الثاني - وهو الاحتمال الناجح
وذلك يكون فيه الانترنت عبارة عن وسيله وسبب لالتقاء هالحبيبين
متله متل الحديقه متل الشارع متل الجامعه متل النظره الاولى
يعني باختصار
الشب تعرف عليها عالنت وبعد ما كل واحد ارتاح للتاني التقو مع بعض وكل واحد عرف وجهة نظر الاخر
يعني هداك الوقت ان كملو علاقتهم عالنت او التلفون رح يكون الامر عادي لان سبق والتقو مع بعض وفهمو بعض
يعني متلا متل الخطوبه
طبعا في ناس ماعندهم هالعادات البنت تلتقي بحبيبها وفي ناس عندهم عاديه
حسب التقاليد والاهل
بس يعني بالاخير
انما الاعمال بالنيات
وتاني شي كل انسان يراعي ظروف البنت واهلها
وان هو يكتفي بمجرد ان عرفها وعرف وين ساكنه
هداك الوقت يروح يدخل الابواب من بيوتها لو فعلا حبه صادق ورايد البنت

يسلموووووو نضال

انا يا جماعة هلق عقلي سكر ..... ومضيع المفتـــــــــــــــاح

بس افتح عقلي بفكر وبجاوب على الأسئلة بما انها مو شاربة ريدبول يعني ما رح اطير خخخخخخخخ

تحياتي نضــــــــــــــــــالو ..... بس مبدأياً انا من رأي رامي

أنا بشكرك يا رامي لَردّك و وقتك معي وكمان أحمد الغالي...

رامي أنا فكرتي ؟؟؟؟؟؟؟

عنجد بشوف هالنت والمنتديات عالم صغير.. وأنا بربي

طرحت هالأسئلة لأني ما لقيتلها جواب............

مُجرد أضّداد... مّجّتمعة... انا بشوف الحب؟؟؟ شي غريب هالحب

كيف هوة بيخلينا نحس ونسمع ونشوف ونطمح ونتقدم وهوة بنفس الوقت أعمى

يمكن ... والله ما بعرف امبارح كنت متحمس واليوم منكسر 10000سنة لورى... طيب اذا بدنا نحكي بالمشرمحي ... وعلى بلاطة؟؟

ليش الواحد او الوحدة بيحسوا بلذة خفية خافتة مبهمة لما ابيحكوا مع

أشخاص معينين دون غيرهن...والعلة ما عميوصل الواحد لنتيجة

ما قلتلك متل هالدنية... ما في شي ثابت؟؟؟؟؟

أنو ممكن ببساطة تعطيه رقم تلفونها ويحكوا كم جمعة مع بعض

وبعدين يتعرفوا الاهل عابعض ويصير نصيب ويخلفوا ويكبرو ويكبر حبهن معهن.... وممكن الشغلة اتكون مجرد نزواااااات متقطعة ثمنها مكالمات

وكلمات الكلام بيطووووول وبيطووووول بس شي واحد أكيد متل ما اتفضلت يا رامي واقلت النية هية اساس كل شي ... ولوضح اكتر...
نية الطرف الآخر هية اللي بتحدد استمرار وصدق العلاقة أو لااااااااااء

يعني كمثال شب بيطرح حالو بصفة عاشق...؟

بيجوز ايموت والبنت ما تحكي ولا حرف واحد معو

وبيجوز هية تتحركش فيه .. وما اتنيمو الليل الا طب؟؟؟؟؟؟؟؟

ويمكن بخلال سبع شهور يخطبوا وايتجوزوا و متل الصلاة عالنبي..

ويمكن اتكون هالبنت شقفة قطقوطة عم اتدور على علاقة سريعة

والعكس صحيح بكل اللي قلتو يلي بدي أصلّلو نيية
الطرف التاني شو هية ...هي هية المهمة

ونفس الحكي بينطبق عالصداقة واحد بيستلطف التاني وما عندو مانع ايصيروا اصدقاء بس التاني... يا اما بيتجاوب وبيصفي نيييته

يا أما بيقووول اي مرحبا صداقة... و أهلين علاقة

شو هالعلاك هاد... علاقة من ورى النت؟؟؟؟؟

انا بشوف انو اي ... بيصير ليش لاء؟؟؟؟

يعني شلون عم اتبلش القصة باسماء وهمية وبعدين

منصير منعرف الاسماء الحقيقية لبعضنا... وبعد شوي كل واحد من وين؟؟

وبعدين كل واحد اصله وفصله

... وفلانة كم أخ عندها وعلتان شو بيشتغل

طيب وبعدين بيجوز نتواعد ونلتقى...بعد شهر بعد خمس سنين مين بيعرف؟؟؟

مشان هيك رأيي كل واحد بيغني على ليلو هيييييييييييك ليلاقي

حدى ينسجم معو بهالليل بتمنى ما كون درت ولفيت وما قدرت وصّل وجهة نظري...كل شي بايد ربنا انا شخصياً ما كان يخطر ببالي

انو منتدى؟؟؟؟؟؟؟ ايصير بيتي ومسرحي و تختي يعني كلّي

انا لما عم اكتب شي؟؟؟؟؟؟ عم اكتب نضال متل ماهوة

أيام برجع بشوف مشاركاتي بقول أوف هادى انا معقول هيك كاتب

حبيبي رامي مو مهم مين ابيكتب موضوع ومين بييييرد

المهم اللي عم ايزورو هالموضوع يصلوا لنتيجة لفكرة من خلال

قراءة التنين اللي عم يتحاوروا...بتتذكر من زمان وقت ابو حميد

كام عم ايقول فكرة توحيد الشعوب العربية؟؟؟؟؟؟؟؟؟؟؟؟؟؟؟؟؟؟؟

وين كلامو ؟؟؟؟ و وين كلامي كلو اللي رديت فيو عليه

والكل اللي حكيوا بالموضوع وينهن هلق؟؟؟؟؟؟؟؟؟؟؟؟؟؟؟؟؟؟؟

كلنا ما بين معنا شي ما منقدم ولا منأخر.... المهم

العالم اللي شافت كلامنا نحنا الاتنين... هية اللي بتقرر

مين كلامو صح ومين كان أحسن لو ما عصب بوقتها؟؟؟؟

يلي هوة مو مشكلة ... المهم ما حدى يظلم حدى......

ما حدى يتهم حدى بالسطحية والازدواجية بالكلمات

خلي كل واحد ايطول باله عالتاني...كل واحد بحياتو ألف مشكلة

و روقوا شوي ....الخييييير لقدام.........

...............................................

يسلموا نسر الرومنسية واللاذقية 85...بكرة منكمل
ولو انو بتمنى الكل يشاركو برأيهن وين الصبايا...مأضّربين

عن الكلام ؟؟؟؟؟؟؟؟؟؟؟؟؟؟؟؟؟؟؟؟

مشرفة عدد الرسائل : 1049 تاريخ التسجيل : 11/04/2008

والله انا بقلك يا نضال او كل شي بهالدنيا معقول وما في شي مستحيل

والقلب لما يدق لحدا

بيدق وما بيستاذن من حدا

والحب ما بيعرف يفرق بين بعيد او قريب

او كبير او صغير

والتعارف عبر الانترنت

هو عالم تاني

عالم شبه عالم الحقيقه في مين بياخده بمحمل الجد

وبيصدق وبيتعرف وبحب وبيتجوز

وفي ناس ما بتصدق لانو ما عندو ثقة بالاشخاص الي ورا الشاشات

وما عنده الجرأه الكافيه انو يغامر ويحب ويتعرف بهالطريقه

انا بالنسبه الي بامن بالحب من الانترنت

والي بادي للزواج

وبعرف اكتر من قصة اتكللت بالزواج بعد التعارف عالانترنت

لاني ممكن انعجب بالشخص من خلال طريقتو بالحكي

اكيد بس بقول ما يتسرع الشخص

بالعلاقه ويتانا ويدرسا من كل الطرق

وبشكرك يا نضال عالموضوع

و أنا بشكرك لأنك شرفتيني و شاركتينا هالحواااااار اللي انشاء الله

منستفيد منو كلنا سوا لنصقل معلوماتنا وثقافتنا ؟؟

وهالشي بسبب الاضطلاع على أفكار و معتقدات الأشخاص التانين

و بشكرك على صراحتك و جديتك بالنقاش معنا ......

ويارب اتضلي بخير يا راما .. وتتحقق كل أمنياتك بالحياة .

نسر الرومنسية وينو صرلو فترة ما نورنا .........

لدرجة انو حتى معد لمحتو بالمنتدى ؟؟؟

انشاء الله خير يا رامي الله يكون معك وين ما كنت...

و طيب أبو القاسم وينو كمان من غير شر ؟؟

بدي ضلّ ناطر رأيك أحمد ... لأنو بيهمني

الكل يتفضلوا و يعطونا رأيهن ... واذا ما بيحبوا

القهوة المرة خلص مو مشكلة منساوي قهوة عادية

بس ينورونا وبعدين كل شي هيّن ......