شو ردة فعلك لو سمعت ان ابوك لح يتزوج ؟

مرحبا ياجماعه

كيفكم طمنوني عنكم
صحيح لسا مابعرف حدا فيكم بس باين عليكم اكابر وظراف
تئبروني انشاءالله
انا حابه اطرح عليكم موضوع وشوف راي كل شخص فيكم وردة فعله

جاوب بصراحه
شو هي ردة فعلك انت او انتي

لو سمعتي ان ابوك او ابوكي بدو يتزوج على امك ؟

ياترى
لح تاخدو الموضوع عادي ؟ ولا لح يكون في معارضه ؟ ولا تكبر الامور وتوصل للضرب والتقليع ومابعرف شو ؟

حابه كل عضو هون يقول شو ممكن يعمل او يتصرف وشو ردة فعله مع زكر السبب

وميرسي الكم سلفا

زائر

أهلا و سهلا فيكي صديقة و رفيقة و أخت الي بالمنتدى اتشرفت بمعرفتك و اعتبريني من هلق صديقك هون بحب عرفك عن حالي أنا يزن من الشام

المهم منرجع للموضوع الأساسي أنا أسعد و أحلى شي عندي أبي يتزوج على أمي لأنو برتاح
عالاخر يعني بعيش حياتي و بصير شو ما قلتلو بدو يوافق لأنو أكيد ما عد بدو غير الرضا
بصير هات مصاري بدي هالغرض مسافر لهل مطرح مد ايدك على عبك خلي الله يحبك هيك يعني هههههههههههه
و لله شو بدي أحلى من هيك الحرية المطلقة

انا بقلووووووووووووووووووو vasy

قبل ما تفكر تتزوج مرة تانية يا معلم tgry

زوج ابنك الوحيد

ولا شو خلفتو ونسيتو alien

ما كنت متوقعك هيك يا بابا انت clown

خاين لا بقى تحكي معي Embarassed

ولولا ليلى queen

ما كنا كشفناك على حقيقتك

ورووووووح من وجهي Shocked

ا
اولا : كـ الـشكر ــل على الـموضوع الـمميز

تــانيا :

انا راح أحكي عن وجهة نـظري الشخصية أنو مابيحقلي ادخل بحياته أبـدا بتضل حياته وهو الي بيقرر فيها لانو طالما بحث عن شخص يشاركه حياته معناته مو مرتاح ببيته وهو ماتزوج الا كرمال يبحث عن راحته بمكان تاني لكن قبل كل شيء ممكن أسئله سؤال صغير ليش هلأ فكر يتزوج ؟؟؟
وممكن يكون حب كرمال هيك اتزوج يعني في اشياء كتيرة ممكن أحسب حسابها قبل ما احكي معه او أحرجه بقراره !!!
ويضل البابا شو ماعمل وكل شخص عقل براسه بيعرف شو يعمل ماراح يهدم بيته بأيده كرمال رغباته الشخصية لابد انو في شيء خلاه يقرر هيك بقى لازم أسئل الماما في حال أتزوج البابا خخخخخخخخخخخ ما راح أسئل البابا ابداااااااا؟

تـقبلي مـروري وميرسي الك

Evil or Very Mad

والله فرطتني ضحك ياأمجد .....الولد ناطف قلبو ليتزوج أكتر من أبوه

أنا ياريت أبي يتزوج ياحرام القط بياكل عشاه شو مامنقلو بقول اللي بدكون ياه .....

صحيح احيانا بصير تعليق شوي بس مو مشكلة بضل أبي شو ماعمل بسامحو امري لله

مممممممممممممممم

اولاً : كل الشكر والتقدير للأخت عذراء متمردة وأهلا وسهلا فيكي معنا في بيتك وعائلتك التانية

شبكة ومنتديات حياة الروح

تانياً : بخصوص الموضوع حق الرجل الشرعي انو يتزوج 4 نساء مرة وحدة ما منقدر نتدخل في حكم الشرع ولكن بدون أن يضر أولاده وعائلته ويهدم أسرة كاملة مقابل أن يبني أسرة تانية

لأن هذا الأب عندما أراد أن يتزوج كان يعلم أنه سيكون في رقبته مسئولية وكما قال رسول الله صلى الله عليه وسلم

كلكم راعٍ وكلكم مسئول عن رعيته

يا أخي بدك تتزوج ما حدا منعك من الزواج روح اتزوج ان شاء الله كل يوم اتزوج وطلق وحدة متل ما بدك

بس لا تدمر بيتك واولادك ومرتك الاولى وتضيعهن مشان تروح تتزوج وحدة جديدة ولسا تبني حياة جديدة

بتمنى الفكرة تكون وضحت وإذا حدا من الأعضاء الكرام وجدت فقرة ما فهمها بتمنى يخبرني

تحياتي

اللاذقية85 ( عِـــقـــ الـــعـــرب ـــاب )

أنا أبوي تزوج وخلص وطبعا ما تزوج على إمي تزوج من بعد أمي
لأنو إمي الله يرحمها توفت

وشكرا الك على الموضوع

...فتى الشام...

عفكرة اليوم عرضت على ابي زوجو وحدة تانية

حرام حاسستو متأهرم بهالجوازة بعد 24سنة قلت ليجدد شبابو ويلتهي شوي

ههههههههههههههههههههههه

أهلين فيكي ياأختي ليلى............هاد اولا

ثانيا: بصراحة اذا كانت والدتي غير منقصة عليه شي يعني كل شي عم تعطيه ......

وماعم تزعجو بشي........فأنا أكيد راح أرفض هالشي وبعمل المستحيل مشان أخرب عليه

وبالأخص ازا كان بدو يتزوج بس مشان المتعة

أما ازا كانت والدتي لا سمح الله فيها مشكلة انا ساعتها ممكن راجع حساباتي

ومشكوووووووووووووورة على هاد الموضوع

عدد الرسائل : 1 العمر : 34 تاريخ التسجيل : 21/07/2008

مشكورة علموضوع بدي قول انو كل انسان حر بحياتو وبعدين مين انا لافرض عوالدي شو بيعمل وهوي اغلم مني وخبرتو اكبر بالحياة بعدين يمكن شوف انا انو امي مو منقصة علي شي بس بالنهاية انا ماني حاسة متل ما هوي حاسس وشالك وبتمنالك التوفيق